Missa biakpiakna pan a kingah Khasiangtho thupha/gah te

1. Khasiangtho Pasian' thupha tawh kidim hong kidim sak hi.
2. Ih mawhna neu (Venial Sins) te hong siansuah hi. Topa Jesu i gimthuakna leh Calvary mual ah amahleh amah biakna in a ki piakna in mihingte' mawhna hong sawpsiang nading ahi hi.
3. Ih mawhna hangin gimna neu ah ih thuak ding dan hong kiam sak hi.
4. Pa Pasian kiangpan a lamdang deuh thupha hong ngah sak hi.
5. Hoihlohna lamah a ki hei ih lungsimte damdam in hong kiam sak hi.
6. Ze-et na te ih zawh nading, Kha thahatna hong ngahsak hi.
7. Ih veng, ih lawmte’ mawhnate maisak zawhna tha hong guan hi.
8. Ih kiim ih paam aom mite ih it zawh semsem nading tha hong pia hi.
9. Pasian itna, Topa Jesu ii itna te in ih lungtang sung, ih Kha sungah damdam in hong khangsak hi.
10. Siangtho Pumpi ih sanna hangin ih pumpi in zong a nunung ni ciangin tho kik ding hi cih amakhan hong ngahsak hi.
Bang hang hiam cih leh Topa Jesu in (Jn 6:54) sungah “Ka sa ne a, ka si a dawn peuhmah in nuntak tawntungna a ngah hi. Ni tawp ni ciangin tua mi ka thokiksak ding hi” ci-in gen hi.
Hih thuphate ih ngah na dingin ih lungsim hoihtak puahpha in Missa biakpiakna ah ih lungsim takpi tawh ih ki-ap ding hi.
Siangtho Pumpi sanna ii a khiatna in zong vantunggam ih luah na dingin ih nuntakna pen Topa Jesu tawh a kibat semsem nangin hanciamna ahi hi.
Topa Jesu ii si leh sa, lungsim, kha te in ih nuntakna hong tuamin Pasian tanu tapa cihtakna tawh Topa bangin leitungah anungta zo dingin hanciamna ahi hi.