Jesu Si leh Sa tawh kipawlna thak neihna

Siadawpa, Rev. Fr. Khuppi leh Siangtho Pumpi sangcilte, Sts. Peter & Paul Parish

Sts. Peter & Paul Parish, Kalay Diocese ah a lungdam huai mahmah ahi Singhiang Siangtho Pawi  (Palm Sunday) ni March 28, 2021 in Siangtho Pumpi sangciil naupang numei leh Pasal a ki gawmin 60 bang om hi. Hih Jesu Kumpipa Dawnna Pawi pen Kalay Diocese hong cing hong keem Bishop Felix, Kalay Zone VG Rev. Fr. Stephen Tuangpi (Parish Priest) leh Siampite in Sts. Peter & Paul Parish Biakinnpi ah nopci takin hongbawl sak uh hi.

Nu leh Pate aa dingin a lungdam huai mahmah ahi hi. Ih tano ten Jesu tawh kipawlna Siangtho pumpi sang thei uh hi. Topa Jesu tawh kimuh ciil ni pen a nuampen ni hi ci-in Bishop in kha-an vakna hongnei hi.  ‘Tuni-in Eite in zong Siangtho Pumpi nuntak pih ni’ ci-in zonghong hanthawn hi.

Naupang noten Siangtho Pumpi a san theihna dingin a hanciampih Siampite, Sister te, Thuhilh Sia/Siamahte leh nu leh pa a kuamah peuh tungah lungdam mahmah hi. Amaute in zong tu leh a tawntungin Jesu tawh kipawlin, Jesu sungah a nungta Christian mihoih a suah tawntung theih nading un zong thungetna ah phawk ciat ni ci-in kong cial sawnsawn hi.

Add new comment

2 + 0 =