Fatima Tonu Pawi Bawlna (14.5.2023)

Rev. Fr. Romanus Hau Deih Sut (PP) vaihawm siamna tawh Khampat no (1) ah Fatima Tonu Pawi May 14 ni-in noptak in kibawl hi.
Hih pawi bawl na dingin Parish bup in Novena ni (9) sung nasia takin bawlin Novena man ni May 13 ni-in Kalay Diocese hongcing hongkem Bishop Felix Lian Khen Thang leh apawlte nitak lam nai (4:30) in tungin thuzuite in vaidawn na nasia takin nei uh hi.
Hih pawi ni-in naupang Siangthopumpi a sangcil mi (52) leh Christma Hanthotna (Khasiangtho thapiakna) a sang mi (65) pha-in nopci mah mah hi.
Siangthopumpi a sangcil naupangte leh Christma Hanthotna asang naupangte in Topa Jesu ii Silesa ahi Siangthopumpi pen Siadawpa tung pan sanguh ahih manun tha ngah thei mahmah uh hi.
Missa Biakpiakna aman khit ciangin guahzui lai ahih manin Tonu Suangbuk mai-ah ki om thei lo a hih manin Biakinnpi sung mah ah Tonu lasakna leh Tonu tunga laikhak te halna ki nei hi.
Hih pawi Missa Biakpiakna sungah Siadawpa leh Siampi (4), Tangval Siangtho (1), Nungak Siangtho (9), Parish sung pan thuhilhsia teng leh thuzui mi (500) kim kihel uh hi.
Hun man ciangin Pa Matthew Dal Lian Thang te innkuan in Bawng agol mahmah teng sawm le tengnga man khat tawh a kihawm teng pumpi taksa anvak na nei hi.
Khampat no (1) ah thuzui mi inn (82) pha in Parish bup khua (7) a phakna sung ah thuzui inn vekpigawm (260) kim pha hi.
By Fr. Joseph Zo Mung