Easter Sunday at St. Mary Cathedral, Kalaymyo (17.4.2022)

* A lungdam huai mahmah ih Topa Jesu sihna pan a thawhkikna pawi St. Mary Cathedral Biakinnpi ah nuamtakin ki dawn thei hi. Kalay Diocese hong keem Bishop Felix makaih na tawh, Siampite, Sisterte, Thuhilh Siate leh thuzuite tawh Biakpiakna zingsang 5:30AM in kipan hi.

** Tua khit ciangin Pa Nang Za Kap te innkuan thusiam na tawh annphel tawh mipi khempeuh hong vak uh hi. Tulai khuahun siat kawmkalah a kikhawm zong ki tam mahmah aa Pasian leh Pawlpi a it, thupha a bawl innkuante tungah zong ih Biak Pasian in a zah tampi tawh hong dimsak kik dingin lam etna lianpi leh thunget sakna tawh lungdam ih ko hi. Topan ih Pawlpi sungah hih bangin Pasian leh Pawlpi a it, neihsa laamsa a piakhi zo mi tampi mai lamah hong om sak semsem nangin zong thupha ih ngen sawnsawn hi.
Hih Lungdamna thu RVA Page tungtawn in ih tangko hi. Lungdam.