Catholic Pawlpi in ih zat ahi Tui Siangtho (Holy Water) thu

Tui siangtho (Holy Water) Tui siangtho ih cih pen tui mawkmawk hi lo in siampi te in thupha apiak a siangthotui hi. Tui siangtho a ki bawl ciangin tui leh ci ki sam hi. Tui sungah siampi pa in ci khah suk in thupha apiak khit ciangin tua tui pen tui mawkmawk hi nawn lo in tuisiangtho (Sacramental) hong suak hi. Tui siangtho pen dawi hawlkhiat na leh siansuah na cih te ah ki zang hi. Tua ban ah dam loh na ih neih ciangin up na takpi tawh tuisiang dawn leng dam na ki ngah thei hi. Catholic biak inn kong khah gei te ah tuisiangtho ki koih a, biak inn sung ih lut ding ciangin tui siang lawngin singlamteh ciaptehna ki bawl ma sa hi. A deih na in tui siangtho in ih mawh na leh hoih loh nate khempeuh hong sawpsiang sak na ding hi. Thupha ki paisa tuisiangtho pen ki mawkzat, ki mawk buak thei lo hi. Tui siangtho tawh kisai in Laisiangtho sungah hi bangin ki mu thei hi. “Tua ciangin tuinak ah amah pai-in a sungah ci thehin, “Topa in hih bangin ci hi. Hih tui a hoihin ka bawl khin hi; tu a kipanin sihna ahi a, ta tolhna ahi zongin piang nawn lo ding hi”(2 Kum 2:21). “No te’ tungah tui siangtho kong theh dinga, na siantho lohna khempeuh panun na siangtho ding uh a, na milimte khempeuh panun kong siangthosak ding hi”(Ezk 36:25). “Tua ahih manin mawhna thu ah kisuanna om nawn loin tui siangtho tawh I pumpi a kisilsa-in muanna lungsim takpi tawh Pasian’ kiang zuan ni” (Heb 10:22). Inn ah tui siangtho zat theih na ding thu Pope St. Alexander I in, (AD-105-115) kum in hong phuan khia hi.

By Rev. Sr. Agnes Ciangbawi