Canada gam aom Catholic te in “nuntakna leh innkuan” ni te ading kiginkholhna hun nei

Canada gam aom Catholic te in “nuntakna leh innkuan” ni te ading kiginkholhna hun nei

Canada gam ii “nuntakna leh innkuan” ii hun atun ma in Canada gam Catholic Siadawpi te kipawlna zumpi ii makaipi Saidawpa in Christian innkuante in kicin lohna om mah ta leh hotkhiatna thu manphate lungdam takin a tangko na dingun hanthawn hi.

Nuntakna leh innkuan pahtawina hun kaalsung pen Canada gam in kum sial in bawl hi. Hi bang a bawlna in innkuan te in Pasian deihna tawh kituakin nungta in kalsuan sak nopna ngimna tawh a kibawl ahi hi. Tu kum pen May 9 pan 16 ni dongin kibawl ding a, thubulphuh in “Innkuan in lametna leh nuntakna ii phungpi hi ding hi” cih ahi hi.

Siadawpi te kipawlna ii makaipi Siadawpa in “Nu pawlpi ii nasepna te leitung bupah a thang sak ding pen Siadawte, Siampite, Tangval siangtho te leh Nungak siangtho te bek ii vai puak hi lo hi. Thuzuite leh innkuan te in zong a sep ding uh ahi hi. Innkuan cih pen kicing cih om lo aa, Pasian na sepding haksa saciat uh hi. A taktak in Pasian na sep ding vaipuak pen Tuisawpna Sacramentu ih san ni-in aki pan ahi hi. Tua ni-in Nu Catholic pawlpi tawh khut kilenin nasep khop na ding kiciamna ih nei hi.

Tua ban ah Siadawpa in ‘Christiante’ upna in thuzuite tung mah pan kipan masa hi’ ci-in Pope Francis genna tawh kizui-in gen hi. Tua mah bangin tu hun ahi, ei khang sung in zong Christian innkuan te in Pasian na sem dingin ki-ap ding kisam hi. Canada gam pan Catholic innkuan te in lametna ii limlak leh Topa Jesu tungtawnin Pasian hong piak it na leh hotkhiatna ii a hoihna te midang te tungah taang sak ding ki sam hi ci-in hanthawn hi.