Missa Biakpianna leh Kha-an vakna

Missa Biakpiakna leh Kha-an Vakna! Covid-19 lungno a ngah mite in a manlangin dam siangthona a ngah nangin leh leitungah hih natna a beising nangin Missa Biakpiakna. ( 26.5.2020 ) Tuni Lungdamna Lai Siangtho sungah Tapa leh Pa in pumkhat ahih na thu. Tuni pen Misiangtho Philip Neri pawini hi. Amah pen Siangtho Pumpi um mahmah hi ci. Amah in Missa biakpiakna a neih leh mi khatin Siangtho Pumpi sang khin lim a inn ah ciah hi. A mahin missa huhte meivak tawh zuisak hi. Tua pa in banghangin hong zuisak na hi hiam a cih leh Topa in nang hong pahtawi ka hi kei aa na sung aa om Khomun a pah tawi ka hi hi ci hi. Tua a hih manin ih sungah Siangtho pumpi a om ih san zawh minute 5 sungbang pau lo in om ding cih leh zahtakna tawh Siangtho Pumpi san ding ahi hi. Numei khat in ka kam ka imm zo kei mi gensiat na bekbek ka gen hi. Bang cih ding kahi hiam ci-in a dot leh Topa in akmul bot in a paina peuhah khia kawikawi dingin sawl hi. Tua teng ahih khit ciangin a tawm dingin sawl kik leuleu hi. Tua akmul pen huihin len a hih manin kaih khop kikding hamsa hi ci in tua nupi nu ki leh kik hi ci hi. Tua akmul bangin kamtam ih pau leh huihlak ah lengin midangte ngeiah tung hi. Ki dawp huai mahmah hi ci hi.