The 54th World Communications Day.

Christu sungah kong it thuzui Nu le Pa, U leh Naute, Pope Francis tungpan thu leh la tawh kizopna pawi aki bawl kum 54 cin ni aa ding ci aa tuma kha 4 lai aa a thugen "NUNTAKNA IN TAANGTHU HI CIH" hong hawm sawn nuam ing. Kipawlna ahi ih ki hel na khat peuhpeuh ah eite in ih bulpite theih sawm in, ngaihsun in kihilh, kikum ding hi hang. Ih nuntak zia, ih pute leh ih pate ngeina, kuate in a hoih lamin hong pantah, upna leh gamtat hoih kuate in hong lak cihte genkhia ding hi hang ci-in kizopna tuamtuamten a gen khiat dingun tha pia hi.
Taangthute a cih ciangin mite suksiatna ding hilo-in, mite a domto ding leh phat tuamna a pia ahih ding ki sam hi ci hi. Gam khat leh gamkhat kidona, kilang neihna, gal leh sa aa ki neihna, ki muhdahna te-in khantohna a susia, kiam sukna a hongpia ki zopna ahi hi. Eite pen leitungah taangthu hoih a piangsak, itna leh ngaihnate a lakkhia, mi cimawwhte a huh, a etteh huai gamtatna a nei, kiim leh paam tawh a kilem, Pasian gam leh lei aading a nunta a hi dingin zong sapna ih ngah hi ci hi.

"Mihing nuntakna khang taangthu ah Pasian a theihna uh leh a upnate uh ki gen in, Pasain in amah leh amah a hong ompihna leh a nungta tawntung ahih na te kizopna tuamtuamte tungtawn in kigen tawntung hi." "A nungta Pasian in ei mihingte pen nuntakna taangthu tawh kizopna a hongnei ahi hi" ci hi.
Pope Francis in Pasian pen ei mihingte tawh a hong omkhawm tawntung ahihna thu ii tel ding hong deih hi. Eite in taangthu kisam hi hang ci hi. Pope Francis in khuavakna taangthu hoih, ann leh tui, sepkhiatna hoih leh nuntakna a manphat ziate' ii taangthu hoih kisam hi hang ci-in um hi, tua te om in hi leh Pasian in eite tawh a hong omkhopnate leh ih nuntaknate zong hong khangto ding hi na ci lai hi.

By Anthony Piang

Photo Credit: signis.org

#PopeFrancis, #RVA, #KalayDiocese, #CommunicationsDay,