Sia John Kap in Tuni 6.2.2020 Lai Siangtho bulphuhin Kha-an vakna

Hunnautang nipi (4) na nipi zawh nilini in I pawlhpi in ih lungngaih dingin hong khunsak Lai Siangtho pen I Kumpi 2:1-4, 10-12, ciang ahi zongin, Lungdamna Lai Siangtho pen Mk. 6:7-13 sung ahi zongin I nuntakpih dingin hong lungngai sak hi. Lai Siuangtho masa sungah David kumpi pa asih kuan ciangin a tapa Solomon tungah agen, a thuvaikhakna te ih za hi. David kumpipa in bangci hiam cih leh “ Leitung mite khempeuh paina lampi ngeina bangin a pai kuan ka hi ta hi”. Tua ahih ciangin kihatsak inla, kipasalsak in Topa na Pasain’ hongsawl bangin gamta in, Moses’ thukham sunga kigelh bagnin ama thuhilhna zui in-la lampite hoih takin tawn inla, a thupiakte ama thukham te leh a ngeina kip te hoihtakin zui in, Tua hi leh na sepna le na paina peuhpeuh ah na lawh cing ding hi. #RVA, #WordofGod, #Reflection, #KalayDiocese, #Homily,