Catholic Nisim Lungdamna Laisiangtho. Hun Nautaang Nipi Kaal (24) na. 16.9.2024 (Mon)

Luke 7:1-10
1. Jesu in hih thu khempeuh mipite’ zakin a gen khit ciangin Capernaum khua ah a lut hi.

2. Tua khua a om za khat a uk galkap mangpa khat in a it mahmah nasempa khat nei a, tua nasempa cina-in a si dektak hi.

3. Za khat a uk galkap mangpa in Jesu thu a zak ciangin, Jew upate a kiangah va sawl a, Topa hong pai-in a nasempa a damsakna dingin a ngensak hi.

4. Amaute Jesu’ kiang a tun uh ciangin, “Hih za khat a uk galkap mangpa in na hehpihna a ngah dingin a kilawm mi khat ahi hi.

5. Bang hang hiam cih leh amah in i minam it a, eite’ kikhopna inn zong hong lamsak hi,” ci-in va thumsak uh hi.

6. Jesu in amaute va zui a, za khat a uk galkap mangpa’ inn hong tun dektak uh ciangin, galkap mangpa in a lawmte khat sawlin, “Topa aw, kigimsak kei in. Keima inn sungah nong lut dingin ka kilawm kei hi.

7. Tua bang mahin Topa’ kiangah a hong pai dingin zong ka kilawm kei hi. Kam khat bek thu hong pia lecin, ka nasempa a dam ding hi.

8. Bang hang hiam cih leh, keimah mah zong thuneihna nuai-a om ka hi a, keima nuai-ah galkapte a om hi. Khat kiangah, ‘Pai in,’ ka cih leh amah pai a, adang khat kiangah, ‘Hong pai in,’ ka cih leh hong pai hi. Ka nasempa’ kiangah, ‘Hih sem in,’ ka cih ciangin a sem hi,” ci-in a gensak hi.

9. Jesu in tua thu a zak ciangin lamdang sa a, ama nung a zui mihonte’ lamah kihei-in, “Ken a man takpi kong gen in ah, hih zahtak upna Israel minamte’ lakah ka mu ngei nai kei hi,” a ci hi.

10. A kisawlkhiate inn a tun’ uh ciangin nasempa damin a om a mu uh hi.

Hi in Topa' Lungdamna Laisiangtho ahi hi.