Catholic Nisim Lungdamna Laisiangtho. Hun Nautaang Nipi Kaal (24) na. 17.9.2024 (Tue)

Luke 7:11-17
11. Tua khit a sawt loin Nain kici khua ah Jesu pai a, a nungzuipite le mihonpite in amah a zui uh hi.

12. Tua khua kongpi a tun’ kuan uh ciangin, misi vui dinga pai siluang puate tawh a kituak uh hi. Tua misi pen meigongnu’ tapa khat neihsun ahi hi. A khuapih mi tampite in amah tawh a paikhawm uh hi.

13. Topa in tua nu a muh ciangin hehpihhuaisa ahih manin, “Kap nawn kei in,” a ci hi.

14. Tua ciangin va naih a, a hankuang va lawng ahih manin a puate zong a khawl uh hi. Jesu in, “Tangvalpa aw, tho in, kong ci hi!” a ci hi.

15. Misipa hong thoto-in pau a, thu a gen hi.

16. Jesu in tua pa a nu kiangah a apkik hi. Tua lai-a om mi khempeuh lau uh a, “Eite’ lakah a lian mahmah kamsangpa hong kilang zo hi. Ama minamte hong huh dingin Pasian hong pai ta hi,” ci-in Pasian’ min a phat uh hi.

17. Judea gam khempeuh a kipan a kimkot gam sung khempeuh ah tua thu a kizeel hi.

Hi in Topa' Lungdamna Laisiangtho ahi hi.