Misiangtho John Chrysostom Pawini. (September 13)

Misiangtho John Chrysostom in 347 kumin Antioch ah suak hi. Ama thugen siamna hangin Chrysostom cih min ngah hi. Chrysostom ii a khiatna in “Golden-mouthed” (Kham kam) cihna hi. John in thu gen siam mahmah Libanius kiangah thu gen dan tawh kisai pilna a sin khit ciangin a siam mahmah sitni khat a suak zawh na ding ngimna nei hi.

Ahi zongin kum (18) aphak ciangin Antioch siadawpa Meletus hangin a lungsim ki khelin Siampi suak dingin khensat hi. 386 kum ciangin siampi ordination ngah aa, 398 kum in Constantinople ii Siadaw dingin teelna ngah hi. John in mizawngte sum tha tawh a huh den banah kampauna tawh hitaleh, gamtat luhek hoih lahna tawh hitaleh Siampite puahphatna nasep vaipuak zong nei hi.

John ii gamtatna, nasepna te leh ama thu gen na te in amah minthang sak hi. 403 kumin Empire kumpinu Eudoxia pen Jezeber cih min tawh a sapna hangin buaina piang aa, gam pua lamah hawlkhiatna thuak hi. Tua zawh a sawt lo-in Constantinople ah a piang zinliingna in Pasian dantatna hi ci-in tua gammite in um uh ahihman in John sam kik pah uh hi.

Tua zawh kum khat khit ciangin Biakinn mai ah a ki koih ahi Empire kumpinu lim langpangin thu a genna hangin John in gam sungpan hawlkhiatna thuak leu leu hi. Tua lai ah John Chrysostom in amah a cingte’ simmawh bawlsiatna leh gam pualam aom na ii gentheih haksatna te hangin 407 kumin si hi. Ama luang pen Constantinople a om, nungzuite sangah ki vui hi. Misiangtho John Chrysostom pen thuhilh sia te a huh Misiangtho in ki ciamteh hi.

Misiangtho John Chrysostom aw…ko te adingin thu hong ngetsak tan.