Catholic Nisim Lungdamna Laisiangtho. Hun Nautaang Nipi Kaal (23) na. 8.9.2024 (Sun)

Matthew 1:1-16.18-23
1. Abraham’ suan, David’ suan, Messiah Jesu’ khangsimna in hih bang ahi hi:

2. Abraham’ tapa Isaac, Isaac’ tapa Jacob, Jacob’ tapa Judah, le a sanggam pasalte ahi uh hi.

3. Judah in a zi Tamar tawh a neih a tapa Perez le Zerah hi a, Perez’ tapa Hezron, Hezron’ tapa Aram,(a)

4. Aram’ tapa Amminadab, Amminadab’ tapa Nahshon, Nahshon’ tapa Salmon ahi hi,

5. Salmon in a zi Rahab tawh a neih a tapa Boaz hi a, Boaz in a zi Ruth tawh a neih a tapa Obed hi-in, Obed’ tapa Jesse ahi hi;

6. Jesse in kumpipa David’ pa ahi hi. David in Uriah’ zi tawh a neih a tapa Solomon,

7. Solomon’ tapa Rehoboam, Rehoboam’ tapa Abijah, Abijah’ tapa Asaph,(b)

8. Asaph’ tapa Jehoshaphat, Jehoshaphat’ tapa Joram, Joram’ tapa Uzziah,

9. Uzziah’ tapa Jotham, Jotham’ tapa Ahaz, Ahaz tapa Hezekiah ahi hi,

10. Hezekiah’ tapa Manasseh, Manasseh’ tapa Amos,(c) Amos’ tapa Josiah,

11. Josiah in Babylon ah salin a omlai uh-a a neih a tapa Jechoniah le a sanggam pasal teng ahi hi.

12. Tua ciangin Babylon ah sal a tan khit uh ciangin Jechoniah’ tapa Salathiel,(d) Salathiel’ tapa Zerubbabel,

13. Zerubbabel’ tapa Abiud, Abiud’ tapa Eliakim,

14. Eliakim’ tapa Azor, Azor’ tapa Zadok, Zadok’ tapa Achim, Achim’ tapa Eliud,

15. Eliud’ tapa Eleazar, Eleazar’ tapa Matthan, Matthan’ tapa Jacob,

16. Jacob’ tapa Joseph hi-in, Joseph in Maria’ lawmpa hi a, Maria sung panin Messiah kici Jesu hong suak hi.

18. Tu-in Messiah Jesu’ suahzia in hih bang ahi hi. A nu Maria pen Joseph aadingin zuthawl a kipiasa hi a, ahi zongin amaute gel a omkhop ma-un Kha Siangtho in amah a gaiisakna thu Maria in a thei hi.

19. A lawmpa Joseph in midik khat hi a, a lawmnu maizumsak nuam lo ahih manin, maaksim ding a sawm hi.

20. Ahi zongin tua banga a ngaihsut laitakin Topa’ vantung mi khat a mang sungah hong kilanga, “David’ tapa Joseph aw, Maria na zi dinga na lak ding lunghimawh kei in, bang hang hiam cih leh ama’ naupaaina pen Kha Siangtho’ gaiisak ahi hi.

21. Amah in tapa khat nei dinga a min Jesu na phuak ding hi, bang hang hiam cih leh, amah in a mite a mawhna uh panin a honkhia ding hi,” a ci hi.

22. Topa in kamsangpa’ tungtawnin a gensa thu khempeuh a tangtunna ding hih thu hong piang ahi hi.

23. “En in! Nungak khat gaii-in tapa khat nei dinga, a min Emmanuel kici ding hi,” Emmanuel a khiatna in, “Eite tawh Pasian hong omkhawm hi,” cihna ahi hi.

Hi in Topa' Lungdamna Laisiangtho ahi hi.