Misiangtho Cajetan pawini. (August – 7)

Misiangtho Cajetan in 1480 kumin, Italy gam, Vicenza ah suak hi. Cajetan a neu lai in a pa in sihsan ahih manin a nu in Cajetan hoih takin makaihin ama nuntakna Tonu tungah ap sak hi.

A pil mah mah Cajetan in a tangval ciangin a khua uh pan Roma ah pai-in Cannon law leh gam thu tawh kisai law te sin in Pope Julius II na ii zum ah nasem hi. Pope a sih ciangin Cajetan a khua uh ah ciah kik in The confraternity of St. Jerome ki pawlna ah lut hi.

Kum (36) a phak ciangin Siampi suak a, zawngkhalna leh Pasian thu te hanciam takin zui in nungta hi. Pawlpi vai leh gam vai buaina te Cajetan in hoih takin puahthak hi. Mizawngte huhin amaute sum leh paai haksatna te a nop tuam theih na dingin sum bat lak theih na ding bank dan khat bawl sak hi. Tua takah sum bat la te in a meet tampi piak kul lo dingin vaihawm sak hi.

Tua ban ah zato te lam in upna khial te lam hoih lam man lakin hun sawtpi sung Siangtho Pumpi bia in om hi. Christmas ni zan khat in Cajetan in mangmuhna khat nei a, tua amang muhna ah aman naungeek Jesu tawi hi.

Upna khial mite langpang kawmin Cajetan in kum (66) a phak hun, 1547 kumin, Italy gam, Naples ah si hi. Misiangtho Cajetan pen bank na sem te, na sep a zong mite, zum lai at te a huh misiangtho hi. Na sep ding na zon leh Tonu it Cajetan kiangah huhna ngen in.

Misiangtho Cajetan aw…kote adingin thu hong ngetsak in.