Misiangtho Sunniva Pawini. (July – 8)

Misiangtho Sunniva in kumzalom 10 hunin Ireland ah suak hi. Sunniva pen Ireland gam a luah ding mintami khat zong ahi hi.

Ahi zongin nikhat ciangin, amah a teenpih nuam Pasian umlo kumpi khat amau gamah hong lut hi. Tua ciangin Sunniva in upna neilo mi khat tawh ki teeng nuam lo ahih manin a pianna khua pan a u pa leh adang mi pawlkhat te tawh taikhia uh hi.

Tua bangin a tai na uh ah Sunniva te tuan na tembaw, Norway gun dungah ki sia hi. Tua kim ah a om nading uh a zon uh leh suanghawm khat mu uh ahih manin Silje a cihna tuikulh ah amau te khawl uh hi. Ahi zongin tua lai a om mite in amau tuu te Sunniva te in gu uh hi ci-in upmawh thu tawh manin thah ding hanciam uh hi.

Tua laitak in mintami Sunniva in suanghawm tunga suang te kia suk in, suanghawm a khak nading, a hi zongin mite a sukkhak lohna dingin Pasian tungah thu anget ciangin tua suanghawm ki khak takpi hi.

A nunung ciangin mintami Sunniva leh a lawmte tua suanghawm sung mah ah si uh hi. Amau te a sih khit uh ciangin tua tuikulh ah thu lamdang tuam tuam te piang ahih manin mite in suanghawm a tawh uh leh Sunniva ii luanghawm mu uh hi. A sawt ciangin tua mun ah Zateih sang lam uh hi. Tua tuikulh ah na lamdang piang zel zel a, tua na lamdang piang a tamzaw pan gim namtui ki ngah zel hi.

Misiangtho Sunniva aw…kote adingin thu hong ngetsak in.