Catholic Nisim Lungdamna Laisiangtho. Hun Nautaang Nipi Kaal (10) na. 13.6.2024 (Thur)

Matthew 5:20-26
20. Bang hang hiam cih leh note kong genin ah, note’ dikna in lai siangtho siamte le Pharisee-te’ dikna sangin a hoih zawk kei leh, vantung gam sungah na lut thei peuhmah kei ding uh hi.

21. “Tanglai mite’ tungah, ‘Mi na that kei ding uh hi; mi that peuhmah in thukhenna a thuak ding hi,’ ci-in a kigenna thu na zaksa uh ahi hi.

22. Ahi zongin ke’n kong genin ah, a sanggam tungah a hehte peuhmah in thukhenna a thuak ding hi; a sanggam’ kiangah, ‘Kimanna neilo,’ci-in a ko mi in uliante’ mai-ah thusitna thuak dinga, ‘Mihai,’ ci-a a simmawh mi peuhmah hell meikhuk sungah khulna a thuak ding hi.

23. Tua ahih manin na biakapna vante ap dingin biakna tau ah na pai laitakin na sanggam in na tungah lungkimlohna khatpeuh a neihna thu na phawk leh,

24. na biakna vante biakna tau mai-ah nusia phot inla, pai-in amah tawh kilemna bawl masa in; tua khit ciangin paikikin na biakna nate pia pan in.

25. Thukhenna zum hong tun na langpa tawh zum na paikhop laitak a hun a hoih lai-in kilemna ding hanciam mengmeng in. Tua hi kei leh amah in thukhen mangpa’ khut sungah hong ap ding hi. Thukhen mangpa in kumpi ulianpa’ khut sungah nang hong ap dinga, amah in thong sung hong denna ding hi.

26. Aman takpi kong genin ah, na liau sum ding na piak khit matengin thong sung panin na suakta ngei kei ding hi.

Hi in Topa' Lungdamna Laisiangtho ahi hi.