Misiangtho Boniface Pawini. (June - 5)

Misiangtho Boniface in 673 kumin England gam, Cregiton ah suak hi. Kum (5) aphak hunin a inn uh ah ahawh, Zateih pawlkhat te’ ki ho na a ngaih khit ciangin ama nuntakna Pasian ading piakkhiat dingin khentat hi. Tua khit ciangin Nursling a om, Benedict Zateih sangah lut hi. Lai hilhna ah ama pilna in mipil tampite lungsim kaai zo in amaute adingin amah in aminthang mahmah Latin Grammar gelh sak hi. Siampi a suah khit ciangin Laisiangtho siksan in la gelhin hawm khia hi.

 718 kumin Pope Gregory II tung pan Germany ah pai in Pasian thu a tangko na dingin sawlna ngah hi. Pasian thu umlo mite ii uplahna a veng na dingin Boniface in Gudenberg mual tunga om Dobar ii a siangtho Tehno singkung a phuk ciangin vantung pan mawhna dan piak ding angak mite in amaute’ dawi pasian in amaute dal zo lo hi cih thu umin sang uh hi.

 Tua hun pankipan Boniface ii Pasian nasepna khangto mahmah in Biakinn thak te leh nungak siangtho sang te gam sung mun tuamtuam ah lam hi. Ama nasepna te lungkimpihna in Gregory III na in Boniface pen Germany gam ii Siadaw za pia hi. Boniface in ama nuntak nunung kum te pen Pasian a um lo te lakah Pasian thu tangko dingin khentat hi. 754 kumin ama om na buuk sungah a lawm te tawh dai takin thungen in a om laitak, Pasian thu umlo mite ii thahna thuak hi.

Misiangtho Boniface aw…ko te adingin thu hong ngetsak in.