Lungdamna Laisiangtho Mark 9:41-50 sungsimna (May 23,2024, Thursday)

Lungdamna Laisiangtho Mark 9:41-50 sungsimna ----------- 41. Bang hang hiam cih leh ken a man takpi kong genin ah, oChristu’ min pua na hih manun keima min hangin tuisik hai khat a hong suah peuhmah in pahtak thaman sang loin om lo ding hi. 42. “Kei hong um hih naupangno khat mawhna a bawlsak mi peuhmah in a ngawng ah an-gawina suang lianpi khat khihin tuipi sungah kikhia leh, ama aadingin hoihzaw ding hi. 43. Na khut in mawhna hong bawlsak leh, sattan in. Khut kim nei-in a mit ngeilo meikuangpi, hell khuk sungah na kikhul sangin, khut le khe neilo in nuntakna sungah lut lecin, nang aadingin hoihzaw ding hi. 44. Tua hell khuk sungah than nangawn si loin mei zong mit ngei lo hi. 45. Na khe in mawhna hong bawlsak leh, sattan in. 46. Khe kim nei-in hell khuk sungah hong kikhul sangin, khut le khe neilo in nuntakna sungah lut lecin, nang aadingin hoih zaw ding hi. 47. Na mittang in mawhna hong bawlsak leh, khelkhia in. 48. Than a sih lohna, mei a mit ngei lohna hell khuk sungah mittang kim nei-in hong kikhul sangin, mittang khat guak tawh Pasian gam sungah lut lecin, nang aadingin hoihzaw hi. 49. Bang hang hiam cih leh, mi khempeuh cisawh bangin mei tawh a kisawh ding uh hi. 50. Ci in a lim hangin a alna bei leh, bangci al kiksak thei ding na hi hiam? Note’ sungah ci omsak unla, khat le khat na kilem un,” a ci hi. Hi in Topa' Lungdamna Laisiangtho ahi hi.