Novena Thungetna

Novena thungetna cihin ngimna khat peuhpeuh adingin Misiangtho khat peuhpeuh kiangah ni (9) sung thungetna hi.
Novena thungetna ngeina in Sawltak (Acts) 1: 14 pan hong kipan hi ki ci thei hi. Tonu Maria leh nungzuipi te in Topa Jesu vantungah a kahtoh khit, Kha Siantho Pasian hong kumsuk ma in ni (9) sung tatsat lo-in thungen uh hi.
Bang hangin Novena ki bawl hiam cih leh Pasian lamlahna leh thupha te san nading ahih mah bangin Novena thungetna in cihtakna, thu mangna leh Pasian tungah muanna te hong khangsak hi.
Novena na bawl ding leh-
1. Ngimna ki cian koihin.
2. Hun kician koihin.
3. Novena thungetna sunga lamlahna te zui-in.
4. Ni (9) sung tawntung tatsat lo-in ngen in.