A Lianbel Siampipa Pope ading thu ngetsakna thu bulpi

A Lianbel Siampipa Pope ading thu ngetsakna thu bulpi
Lk 22: 32
“Simon... na upna a kiamloh na dingin nang ading thu kong ngetsak zo hi.”
Sihna pan a tho kik Topa Jesu in a nungzuipite kiangah a ki lah lai-in Petru kiangah ama ading thu a ngetsakna thu gen hi.
Petru in ama nasep ding vaipuakte hoih takin a sep zawh na dingin thungetna ki sam hi cih Topa Jesu mahmah in thei hi. Tua ahih manin Petru ii za a laih ahi Pope ading in zong thu ngetsak ding ki sam hi.
Mt 16: 18
“Nang in Petru na hi hi. Hih suangpi tungah ka Pawlpi ka lam ding hi.”
Petru mah bangin Pope in zong Roma khua ii Siadaw hi. Tua ahih manin Pawlpi om na phualpi ahi suangpi zong ahi hi. Ama tungah vaipuak gik om hi. Ama vaipuak baih lo ahih manin thu i ngetsak hi.
Jn 21: 17
“Ka tuute na vak in.”
Petru mah bangin Pope in Topa Jesu ii tuu hon te a cing akem tuu cing ahi hi. Lam lak pa zong ahi hi. Tuu te lam a khialh loh na dingin ama tungah tavuan om hi. Tua ahih manin thu ngetsak ding kisam hi.
Lk 22: 32
“Na sanggam te na thahatsak in.”
Pope in zong Petru bangin thu zui ulehnau te upna ah a kip na ding, upna a kep zawh nading leh upna a khantoh na ding in a panpih ding ahi hi. Hi bang vaipuak lian te hangin zong ama ading thu ih ngetsak ahi hi.
Mt 26: 40
“Note in nai khat sung nangawn kei tawh hong om khawm zolo na hi uh hiam?”
Petru mah bangin Pope in mihing khat hi. Mihing hihna tawh thanemna om ding hi. Tua ahih manin zong ama ading thungetsak na a kisam ahi hi.
Petru pankipan Pawlpi sungah Pope 266 om hi. Tua sung pan Misiangtho 82 om aa, Blessed (a singtho) 11 om hi. Venerable (zahtakna angah) 1 om in, Servant of God (Pasian na asem) 1 om hi.