Nuntakna sungah nopsak tawntung nading

Nuntakna sungah nopsak tawntung nading: 1. Leitung ah haksatna/ problem aneilo mi omlo hi cih phawk denin. Nang kia bek haksatna a tuak na hi kei hi.

2. Haksatna te in nuntakna hong panpihte ahi hi. Mihing ih sih khit ciang bekin haksatna te a om nawnlo ahi hi.

3. A ki gencian theilo/ aphi omlo haksatna cih omlo hi. Na tuak haksatna te adingin phel theihna lampi om hi.

4. Na lungsim sungah nang leh nang na ki muhna in nang ii nopsakna dingin hong panpih thei hi. Nang leh nang amannei leh ahoih mi khatin ki mu in. Nang leh nang alungneu, alunghiang dingin ki bawl kei in.

5. Nang’ thu mite in a genna te na lungsim sungah vum kei in. Mi pawlkhatte in khasia thei hi. Amaute in na khasiat na dingin khat peuhpeuh hong gen thei hi.

6. Kilawm kituakin nang hong lungnuam sak thei lawm nei in. Nang ii haksatna te hangin hong zahpih thei mite tawh ki thuah kei in.

7. Na hun awng te ah laisimna, khat peuhpeuh sinna tawh na deih, na hihnop khat peuh peuh sem in.

8. Sum leh paai, neih leh lamh te in nang hong tuamcip ding phal kei in. Tuni zawngkhal na pan zingciang mihau khat ki suak thei hi. Ki khelna a om den thu hi.

9. Tuni, bangzah in haksatna na thuak zongin lungkia kei in. Ih nuntak sung tawntung lametna om lai hi.

10. Thu tampi ngen in. Tawlnga lo-in thungen in. Thungetna in nang kiangah thupha tampi hong tun nangin hong panpih ding hi.

11. Na lunggulh khat na ngah zawh nang hangsan in. Nuntakna cihin lauhuaina te tawh ki tuak, kiphul kha hi. Hanciamna, kipiakkhiatna om kei leh na lunggulh pen na ngah zo kei ding hi.