Misiangtho Cosmas & Damian Pawini. (September 26)

Misiangtho Cosmas leh Damian te in kum zalom 3 hunin, Arabia ah suak a, amau pen unaupeng ahi uh hi. A unau un Syria gam ah za tui tawh kisai pilna a sin khit uh ciangin Cilicia gam, Aegeae khua ah om in a siam mahmah zatui sia te ahi uh hi. A mau te in amau pilna tawh hamciam tak na asep uh hangin nasep thaman la se lo uh a, tua bang in mi tampi te Christian up na sungah lut sak uh hi.
AD-283 kum, Diocletian minam te’ simmawh bawlsiat na nasia tak in thuak a, singlamteh tungah that na thuak uh hi. A lamdang mahmah natna tampi te pan damna thupha ngahna te in amau hang hi ci-in ki um hi.
Khat veivei ci na te’ mang sungah ki lak in a zatui nek dinguh gen thei a, tua sungah Empire kumpi Justina zong ki hel hi. Roma aom biak inn pi leh a dang biak inn tampi te in hih misiangtho nih te pahtawina in a ki lam ahi hi. Hih misiangtho nih te pen sia vuan te a huh misiangtho in ki ciamteh hi.
Misiangtho Cosmas leh St. Damian te aw…Ko te adingin thu hong ngetsak un.