Misiangtho Monica Pawini. (Aug-27)

Misiangtho Monica in 331 kum in, Africa gam, Thagaste khua ah suak hi. A ma lungduai na leh thuak zawh na hangin Pasian um lo ahi a pasal in a sih ma kum khat in a gamtat ki khel hi. A tapa u pen ahi Augustine zong Monica adingin lungkham na lianpi khat ahi hi. Augustine in pawlpi sungah om ahih hangin cik mah hun in tuisawpna Sacramentu thu ngaihsut in nei ngei lo a, Pasian um lo pawlpi (Lawki) ah lut in, gamtat sia mah mah hi. Monica in a tapa a dingin kum tampi mit-tui luang kawmin thungetna leh antan na te nei den hi.
Monica in Siadawpa kiangah a tapa a hopih nading a thum ciangin Siadawpa in ama kiangah “Pasian hun hong tung ding hi, na mit tui kiatna hangin na tapa ki sia lo ding hi” ci-in gen hi. Italy gam ah Augustine a pai na thu a zak ciangin a tapa a mu dingin Monica in Milan dong va zong hi. A tapa gamtat a na kikhel khit na thu a theih ciangin Monica a lung dam mahmah hi. Tua pan a sawt lo in Africa ah ciah kik dingin Ostia gun ah tembaw ngak in a om lai tak a ci hong na gawp hi.
Monica a sihma in “bangmah in kei lungnopna hong pia lo hi, ka nuntakna in nang ii Christian khat in kong muh nop man bek hi, ka luang hawm na deihna ah vui in, a hi zongin kong nget nop khat ah Pasian biakna tau pan na Nu hong phawk in” ci-in a tapa kiangah gen hi. Monica pen AD-387, Kum 55 a phak hun in si a, Nu te a huh misiangtho in ki ciamteh hi. St. Augustine in a lai bu sungah “kei adingin kum tam pi mit-tui a luang ka Nu adingin nai khat sung ka kah na in khial lo hi ci-in um ing” ci-in gelh hi.
Misiangtho Monica aw…ko te adingin thu hong ngetsak tan.