Tonu Maria Vantung Kumpinu Asuahna Pawini. (August 22)

Tonu Maria Vantung Kumpinu a suahna pawi pen 1954 kumin Pope Pius XII in thuzuite kiangah a puak lai ahi “Ad Cacli Aeyinam” (Vantung gam ah) cih tawh kipan hi. Hih pawi in Tonu Maria vantungah a kilaktohna pawi tawh kizopna om hi. Tonu in vantungah laktohna a ngah khit ciangin vantung leh leitung ii kumpinu dingin kumpinu lukhu (thupha) sang hi.
Tonu Maria vantung kumpinu za a kipiakna in lungdamna laisiangtho gelhpa John ii mangmuhna siksan hi. “Vantungah a lamdang lim lian khat hong kilang hi. Numei khat in ni silhin, a khe nuaiah khapi om a, a lutung ah aksi sawm le nih a tuang kumpi lukhu a khu hi.” (Kilaakna 12: 1).
Pasian in Tonu tungah hi bang thupha apiakna in Tonu in Pasian Nu ahihna hang himah taleh a diakdiak in Tonu in Pasian gen thu a upna hang hi zaw hi. Numei khat in mihonpite lak panin “Nang hong paai gil le na teep nawi in thupha ngah ahi hi” ci-in ki ko hi. Ahi zongin Jesu in “Pasian thu za a, a zuite in thupha ngah taktak ahi uh hi” ci-in a dawng hi. (Lk 11: 27-28)