Misiangtho Alphonsus Liguori Pawini. (August 1)

Misiangtho Alphonsus in 1696 kumin Italy gam, Naples khua ah suak hi. Tua khua sung aom a hoih pen sangah pilna sin in kum (16) aphak ciangin Law tawh sang man hi. 1722 kum in ama nuntakna sungah haksatna leh supna te nasia tak in thuak hi. Tua banah leitung nuntakna nusia in ka nung hong zui in cih aw khat a lungtang sung panin za hi.
Alphonsus in 1726 kumin Siampi suak a, ama thugen siamna hangin minthang mahmah hi. Alphonsus in thu ngai mipite sungah a niampen numei khat nangawn ii a tel theih loh ding thu ka gen ngei kei hi ci hi. Gamtat siatna tawh mawhna a bawl mite tung ah mawhna dan piak bangin hi lo-in kha hotkhiatna bangin a kisikkik te tawh kizop huai hi ci-in Alphonsus in gen hi. Amah in cik mah hunin mawhna ki sikkik mi khat, amawhna amai sak nading nial ngei lo hi.
1732 kumin Alphonsus in (The Congregation of the Holy Redeemer) cih kipawlna khat phuan hi. Alphonsus ii gelh ahi, The moral Theology cih laibu in 1748 kumin Pope mahmah ii thu kimpihna a ngah laibu hi. 1756 kumin Alphonsus in St. Agatha khua ii Siadaw dingin teelna ngah hi. Tua ciangin amah in thuzui te leh Siampite nuntak thaksuah sak nading nasep kipan hi.
Missa bawl ciangin minute 15 zong asawtlo Siampite amau siampi hihna pan tawm vei khawl sak in ama neih ahi Meileng leh a Siadaw zungbulh te zuakin mizawngte pia hi. Ama nuntak nunung hun in nasia takin damlohna leh a lawm Siampi te ii simmawh bawlsiatna te thuak hi. Amaute in Alphonsus mahmah ii phuat ahi ki pawlna pan amah hawlkhia uh hi. Alphonsus in ama siangtho nadingin Pasian in phalna apiak ze-etna te khempeuh a thuak zawh, 1787 kum in si hi.
Misiangtho Alphonsus awKo te adingin thu hong ngetsak tan.