Misiangtho Gregory VII Pawini. (May 25)

Misiangtho Gregory VII in 1025 kumin Italy gam, Tuscany khua ah suak hi. Aventine a om, St. Mary zateih sangah pilna sinin 1073 kumin Gregory in mipi deihna tawh kituakin Pope dingin teelna ngah hi. Gregory in Pope za angah khit phetin Pawlpi sungah puahphat ding a kisamte khempeuh, thalawptak in puahphat kipan pah hi.
1075 kum in a kibawl, Roma Siampite thukikupna ah Pasian tungah a ki-ap mite ii nasep vaipuak (za) te zuakna cih te hemkhia in, Siampite ii a siangtho ki piakkhiatna nuntakna pen thaksuah sak hi. Amaute ukna sungah Siadawte koih ding cih pen leitung tawh kisai, gam uk te ngetna ahi hi. Siampi ahilo mimawkmawk te za khat peuh piak nading thu Gregory in a khak ciangin Germany gam ii Emperor ahi Henry IV na tawh ki telkhialhna piang hi.
Henry in Canossa ah mawhnadan lohin a om ciangin 1077 kumin Gregory tawh kilemna ngah kik uh hi. Ahi zongin 1084 kum ciangin Henry in ama galkapte makaihin Roma ah gal kuan uh aa, Pope Gregory pen Saleno ah aana takin a paisak ciangin amaute nih kikal ah ki telkhialhna hong piang kik hi. Gergory in Saleno ah 1085 kumin si hi. A sihma in Gregory in a galte mawhna maisak hi. Tua banah Gregory in “Kei in thuman thutak it in thumanlo gamtatna te ki mudah hi. Tua ahih manin tu a bangin kei in gam pualamah hawlkhiatna thuakin ka si hi” ci-in gen hi.
Misiangtho Gregory aw…Kote a dingin thu hong ngetsak tan.