Zehtan Hun Sung Sep ding Thu Nam (15)

Pope Francis ii hong hanthot ahi, Zehtan hunsung in itna a hoih penin ih lah zawhnang sep ding nam (15)
1. Maitai in. Christian te in a maitai den te ahi uh hi.
2. Lungdam ko in. Lungdam koh kisam lo dingin na ummawh phial zongin lungdam a ko thei mi hi in.
3. Midangte tungah na koih itna leh hehpihna te kilanghkhia sak in.
4. Nisim na kimuhpih mi khempeuh, lungdam takin hopih in.
5. Midangte nuntak khuasakzia te thu khen kei inla, itna tawh lungduai takin amau hong gen thu te ngaihsak in.
6. Nang ii huhna nasepte khawl in la, nang hong kisam takpi te hoih takin huhin panpih in.
7. Mi khat peuhpeuh in lungnopna a ngah nadingin lamlak in makaih in.
8. Midangte gualzawhna, pilna siamna te thupi bawl inla, pahtawi in.
9. Na zat nawnloh van te hemkhia inla, a kisam mite pia in.
10. Midangte nuamtakin a tawlngak theih na dingin huh in.
11. Itna tawh lamlak in. Lau manin gamdaihna hi sak kei in.
12. Na gei aom, na vengte nunnem tak leh ciim takin hopih in.
13. Na inn sung siangtho sak inla, a siangtho lo van te puah siangin.
14. Midangte’n haksatna te a thuakzawh nading leh a kantan zawh na ding un huhin panpih in.
15. Na NulePa te nidang sangin hopih zaw in. Hawh inla a beisa hun sangin don zaw in.

A hoih pen kidek dan ding

 Thusia hong piang sak kammal te pelhin. Hehpihna kammal te tam gen/pau in.
 Lungkim om thei lo huaihamna pelhin. Lungdam a ko thei mi na hih nang hanciam in.
 Hehsuak luatna pelhin. Kiniamkhiatna leh lungduaina tawh a kidim mi na hih nang han ciam in.
 Na khat peuh peuh a sia lam bekbek aa muh theihna ki khel in. Lametna tawh a kidim, a hoih lam in a mu thei mi hih sawm in.
 Lungkim lohna tawh phun theihna pelh in. Na nuntakna pen siangtho na tawh lam in.
 Lungsim khauhna tawh ki gamla in om in. Thungetna ah na khempeuh ii a deihna a mu mi hih sawm in.
 Heh luatna, muhdahna te tawh lunggimna sungah ki diah kei-in. Lungnopna tawh a kidim lungtang nei mi hih sawm in.
 Aituam deihna lungsim paaikhia in. Midangte tungah hehpihin huhtheihna lungsim tawh a kidim mi hih sawm in.
 Mawhmaisakna lungsim nei lo-in thuhkik nopna lungsim hemkhia in. Ki lem kik nopna lungsim a nei mi hih sawm in.
 Kam tam pipi pau na pelhin. Midangte thu gen a ngaisak dingin a dai den mi na hih nang hanciam in. Nang ii dai taka omna in midangte a dingin huhna khat hi ding hi cih kitel hen.