Misiangtho Basil the great & Gregory of Nazianzen (January 2)

Nisuah na lam zatheih te Siadaw ahi, St. Basil the great in Turkey gam, Caesarea khua-ah AD 330 kumin suak hi. St. Gregory of Nazianzus tawh pilna sin khawm uh hi. Amau te nih in Christian citak ahih na uh hangin kipak mahmah uh a, a hun neih te uh biak inn leh sang inn ah bei sak uh hi. Kum sawtpi pilna a sin khit uh ciangin St. Basil in Pasian thu tawh nuntak nadingin sehnel gamah pai aa, a sawt lo in pawl tampi ngah pah hi. AD 370 kumin, Caesarea khua-ah Siadaw suak aa, Pawlpi nasem te ko siatna leh Topa Jesu in Pasian hi lo in Pasian piangsak te lak pan a sangpen bek hi a ci mite langpang hi.
Pul tungin an nek, tui dawn ding aom loh hun ah St. Basil in a kawngngak ngak in gilkial dangtaak mi te nek ding an te hawmkhia hi. Am alai at siamna leh thugen siamna hangin “the great” cih min tawh sapna ngah hi. Mihau te kiangah “No te’ khutbulh khat tawh thongkia mikhat na hon khia zo ding uh hi. No te’ puan silhkhat tawh mizawngte puan na leisak zo ding uh hi” ci hi. A haksa nasepna te tawh agim a tawl St. Basil in AD 379 kumin si hi. Misiangtho Basil pen zato uk te a huh misiangtho in ki ciamteh hi.
Constantinople Siadaw ahi, St. Gregor Nazianzen in Turkey gam, Arianzum khua-ah AD 329 kumin suak hi. A lawm St. Basil en in amah zong zateih, Siampi suak nopna lungsim nei ahih manin ama nasep ahi laihilh nasep khawl hi. St. Gregory in Arianism te ukna kum (40) sung athuak Constantinople Siadaw dingin 375 kumin teelna ngah hi. Tua khua-ah Pasian nasem dingin apai ciangin ama talkolh na leh kiniamkhiatna tawh puan hoihlo asilhna hangin mite in hoih tak na muak lo uh hi. Ahi zongin a sawt ciangin Tothum Pasian thu a gen na hangin mi tampi te’ zahtakna ngah a, “Theologian” cih pahtawina min ngah hi. St. Gregory in 390 kumin si a, aluang pen Rome aom, St. Peter biakinn pi ah ki koih hi.
Misiangtho Basil leh Gregory te aw…ko te adingin thu hong ngetsak tan.