Misiangtho Luke pawini (October 18)

St. Luke in Antioch khua pan siavuan khat hi a, aki khel khit ciangin St. Paul Missionnary khualzitna ah zui-in Pasian thu tangko hi. St. Paul in thong a kiat laitak in “Luke kia bek kei tawh om khawm hi” ci-in gelh hi.
(2 Tim 4:11). St. Paul asih khit AD-64 ciangin St. Luke in Greek gam ah tawlnga in St. Luke Lungdamna Laisiangtho leh nungzuipite’ laikhak gelh hi. Pil na nei khat ahih mah bangin Laisiangtho teltak leh kician tak in gelh a, vantungmi-in Tonu Maria anotsetna leh Tonu Maria, Elizabeth kiangah ahawhna thu te kicing tak in agelh Laisiangtho at pa ahi hi.
Pawlpi’ ciapteh na ah St. Luke in Tonu lim a bawl masa pen khutsiam pa zong ahi hi. Kum (84) aphak hunin, si a, ama van te Constanti nople aom nungzuipi te’ biak inn ah koihin zahtakna ki pia hi. Amah pen siavuan te leh khut siam te a huh misiangtho in ki ciamteh hi.
Misiangtho Luke aw…ko te adingin thu hong ngetsak tan.