Misiangtho Vincent de Paul Pawini. (27.9.2022)

Misiangtho Vincent de Paul in 1581 kumin, Piantit gam ah suak hi. Pilna sin a mankhit, kum 20 a phak hunin, siampi ordination ngah a, Paris khua, mihau inn kuankhat ii siampi-in om in lungnoptak in a hun beisak hi. 1617 kumin, adam lo lokho mi khat ii mawhphelna a ngaihsak khit ciangin Piantit gam aom lokho te’ haksatna hoihtakin mu hi.
Tua hun sung mahin mizawng te huh ding leh siampi te a dingin ki piakhia hi. Tua kum mah in Paris pan a gamla mahmah khua khat ah pai in tua ah Parish Priest sem hi. 1626 kumin, Vincent in Congregation of the mission kipawlna khat phuan hi. Tua ban ah mizawng te’ kha hotkhiat na ding leh pumpi ki sap na te avaan ding in hehpihna (Charity) cih kipawlna khat zong phuan khia hi.
1633 kumin, St. Loius huh na tawh nungak siangtho congregation khat phuan hi. A mahin tua te kiangah “ ei te vaipuak in thu dangdang te sangin mizawng te ading nasem ding a hih na, a zenzen in na thunget laitak in mizawng khat in zatui tawh ki sai huhna (ahih kei leh) adang huhna khat peuhpeuh hong nget leh na dang te sep bangin lungnuam takin sep na ding, ih nasep na te thungen bangin Pasian tungah ap ding cih te gen hi.
St. Vincent in Pasian hehpihna sang in Pasian mawhna dan piakna lau zawk nading, khua mi te abawlsia te thu hilh hi. 1660 kumin Paris ah si a, amah pen it na tawh ki sai nasep kipawl na te ahuh misiangtho in kiciamteh hi.
Misiangtho Vincent de Paul aw…Ko te adingin thu hong ngetsak tan.