Misiangtho Cornelius & St. Cyprian te pawini. (16.9.2022)

Misiangtho Cornelius in Italy gam ah suak hi. AD-251 kum, pawlpi a ki bawlsiat mahmah hunin Pope dingin teelna ngah a, tua laitak in Africa gam ah Pawlpi upna tawh kisai buaina, ki selna tampi piang hi. Mi tampi upna mangthangin pawlpi sungpan tai khia uh hi.
Tua bangin Catholic pan a pai khia te pawlpi sungpan hawlkhiat nading, Siampi pawlkhat in a thukim uh hangin Carthage Siadaw pa ahi Cyprian in kisikkik in pawlpi sungah hong ciah kik nuam te pawlpi lampan dawntuah na dingin agen na thu Pope Cornelius in thukim pih a hih manin Novatian lungkim lo in, amah leh amah Pope pa thu alangpang mi khat in ki ciamteh hi.
Tua ahih manin amah pawlpi sungpan ki hawlkhia hi. AD-253 kumin Emperor kumpi Gallus in pawlpi nasia tak bawlsia leuleu in, tua hun mah in Pope Cornelius aom na khua pan hawlkhia hi. Pope Cornelius in gentheih haksatna nasiatak a thuak khit ciangin si hi. Tua zawh kum 5 a sawt ciangin Topa Jesu thu teci apang dingin Cyprian hun hong tung hi. Kumpi pa in Cyprian pen za lian a ngah nading in Emperor Kumpi pa biasak hi.
A hi zongin Cyprian in thuman thutak a dingin ngaihsut sut ding kisam lo hi ci-in dawng kik ahih manin Kumpipa heh mahmah a, tem tawh angawng atan na dingin thu pia hi. Tua bangin sihna daan a piak ciangin Cyprian in Pasian tungah lungdam ko lai hi. Tua khit ciangin amah a that ding te Shew tawn 25 pia hi. Thah na athuak ma in tua lai ah khukdin in thungen aa, Pasian tungah ki-ap hi.

Misiangtho Cornelius leh Cyprian te aw…Ko te adingin thu hong ngetsak un.