Misiangtho John Chrysostom pawini. (13.9.2022)

Chrysostom’ cih minin “Golden-Mouthed” (Kham-kam) cih khiatna nei hi. Amah in Christian pawlpi apiancil in aana tawh thu gen thei khat ahi hi. Kumzalom 4 hunin Syria leh Antioch te ah a gen thu te tuin laibute sungah ol-takin ki mu thei hi. Tua hunin a kizang Lai Siangtho ii a deihna te lak ah John Chrysostom ii a gelhte ahoih pen hi. A lamdang khat ah ama gelh te tu-ni dongin kituak lai hi.
AD 347 kumin Galkap bu khat ii tapa in a suak John in meigong ahi a Nu ii pattahna nuaiah khangkhia hi. Kum (24) aphak ciangin a inn uh tawh a kigamla lua lo, mualtung a om zateih sangah zateih in om hi. Tua lai ah antaang in sawtpi a om na hangin a ci hong dam nawn lo hi. AD 386 kumin Antioch ah ciahkik in Siampi suahna ngah hi. AD 398 kumin Constantinople ii Siadaw khat suak hi.
Gam vai tuamtuam, numeite’ nuntak omzia ding leh nisim nuntak khuasat zia ding cihte a thupi diak in ahilhcianna te hangin amah minthang semsem aa langpangna te zong hong nasia semsem hi.
AD 404 kumin Pawlpi ii a belhdiak siapi te sungpan khat ahi, John Chrysostom in kumpinu ii dan piakna hangin Armenia ah pai hi. Nisa tang nuaiah khe tawh a khualzinna ah tawllua in a thabei in si hi.