Catholic Nisim Lungdamna Laisiangtho. Hun Nautaang Nipi Kaal (22) Na. 28.8.2022(Sun)

Lk 14: 1,7-14
1. Sabbath ni khatin amah in Pharisee-te’ makai khat’ inn sungah an ne dinga a lut ciangin, amaute in amah a encik uh hi.

7. Lenglate in tutphah thupite a teel uh Jesu in a muh ciangin amaute’ kiang ah thugentehna khat a genin ah,

8. “Mi khatpeuh in mo pawi-ah hong sap ciangin tutphah thupite-ah na tu kei un. A zenzenin nang sangin a lianzaw khat kisam kha-in,

9. note gel hong samkhawm inntekpa hong pai-in na kiangah, ‘Na tutna hih pa na awn in,’ hong ci ding hi. Tua ciangin na maizum dinga a thupi lo a niam penna munah na tu ding hi.

10. Tua ahih manin mi khatpeuh in hong sap leh pai inla, tutna niam ah na tu in. Nang hong sampa hong pai ciangin, ‘Lawm aw, a sangah na tuto in,’ hong ci ding hi. Tua ciangin na lenglapihte khem- peuh’ lakah na angtang ding hi.

11. Bang hang hiam cih leh, amau le amau a kiliansak mite in niamsakna ngah ding uh a, a kiniam khiat mite in lapsangna a ngah ding uh hi,” a ci hi.

12. Tua ciangin Jesu in a inntekpa’ kiangah, “Sun an ahi a, nitak-an ahi zongin na vak ciangin, na lawmte ahi a, na sanggamte ahi a, na tanaute ahi a, sum hau na vengte ahi zongin na sam kei in. Tua banga na sap leh amaute in nang hong samin hong thukkik ding uh hi.

13. Ahi zongin nekkhawm pawipi na kham ciangin mizawngte, mipoite, khebaite le mittawte na samzaw in.

14. Tua hi leh thupha na ngah ding hi. Bang hang hiam cih leh amaute in nang hong thuk zawh loh uh hangin midikte’ thawhkik ni ciangin nang hong kithuk kik ding hi,” a ci hi.

Hi in Topa' lungdamna Laisiangtho ahi hi.