Misiangtho Stephen of Hungary

Misiangtho Stephen in Pasian a umlo nulepa sung pan suak hi. Kum (10) aphak ciangin amah Christian khat hong suak hi. Stephen in apa za alaih ciangin Hungary gam ah Christian pawlpi khantoh nadingin han ciam hi. AD 1001 kum, Christmas ni-in Stephen in Hungary gam ii amasa pen kumpi za ngah hi. Amah in Pasian up lohna te susia in Pasian thu te-ci pangin zateih sang leh Biak inn tampi lam hi. Tua ban ah Christian leh Christian ahi lo te ki lang letthat na te kham hi. Hungary gam a om pawlpi leh Roma pawlpi kizopna a hoih nading pen ama ii ngiimna ahi hi.

Stephen in asang pen tupna leh a hoih pen ngiimna a neih hangin ama adingin ol takin sepkhiatna hi lo hi. A ta pa Emeric in gam sungah sabeng dingin apai na pan thahna thuak hi. Ama nuntakna hun nunungte ah natna satna nasiatak thuak in tha a bei sak natna khat hun tampi sung thuak hi. Tua ban ah ama kumpi za ngah nuam in sim bawlsiat nopna te hong kipan in ama tute in amah thatin kumpi tokhom pan tuak sak ding cih zah dongin ki kum sim uh hi.
Stephen in Hungary gam ah ki-it kilem na a om nadingin hehpihna nei lo-in gam khat ii thu khunte bangin a sep hangin mizawngte leh mi cimawh te huhna, amaute zahtakna leh hehpihna te nei den hi. Mizawngte om na ah van tuamtuam te huhna pia in a pai ciangin Stephen in amel kisel in puan hoih lo silhin pai zel hi. Tua bangin apai ciangin migilote’ bawlsiatna leh apuak sum leh paai te buluhna te tuak thei lai hi. Ahi zongin amah in tua bangin kumpipa abawlsia te tungah kiniamkhiatna leh maitai takin thuk kik aa, huhna a kisamte itsik lo takin pia khia den hi.
Misiangtho Stephen aw….Ko te adingin thu hong ngetsak tan.