Carmel mualTonu pawi

Kamsangpa Elijah hun, BC 850 pankipan Carmel mual in a siangtho mun, Pasian tungah mihingte thuman cihtakna lim lahna in kiciamteh hi. Tua Carmel mual tungah kamsangpa Elijah in Baal tungah Pasian vangliatna aom na thu Israel mite alak dingin kikaikhawm sak hi. Camelite Congregation ah a lut te in zawngkhalna (Poverty), sa kidekna, gamdaihna cih thukhunte zui-in om uh hi. Crusade gal kidona aman khit ciangin St. Simon Stock in Pasian nasepna ah atangzai semsem na dingin Camelite Congregation ii thukhunte puahpha kik hi.

Carmel Scapular in Tonu Maria ii apiak maangmuhna tungtawn in zahtakna aki pia ahi hi. 1251 kum, July 16 ni-in England gam aom Camelites nungak siangtho makaipi nu kiangah Tonu Maria kilangh hi. Tua nungak siangtho nu kiangah Tonu Maria in Scapular pia in “hih Scapular a ngawngah a okte ka cing ka kem ding aa, vantung tawh kisai thuphate zong angah ding uh hi” ci-in gen hi. Tua pankipan Carmel Tonu leh Scapular thu mun tuamtuam ah ki zel hi.

Carmel Tonu in lauhuaina, dipkuat patauhna leh gimna neu pan hong honkhia Tonu hi. Tu laitaka ih thuak lauhuaina, gentheih haksatna te ih kantan zawh na dingin Carmel Tonu beel in thungen ciatni.
Our lady of mount Carmel...Pray for us.