Catholic Nisim Lundamna Laisiangtho. Hun Nautang Nipi Kaal (13) Na. (2.7.2022)

Mt 9:14-17
14. Tua khit ciangin John’ nungzuite ama kiangah va pai uh a, “Kote le Pharisee-te in an ka tang zelzel uh hi, ahi zongin na nungzuite in bang hangin an tang lo uh ahi hiam?” ci-in a dong uh hi.

15. Jesu in amaute’ kiangah, “Mopawi simte in mopa tawh a omkhop laitakun thumin tau thei ding uh ahi hiam? Thumin tau lo ding uh hi. Amaute’ kiang panin mopa a kilakkhiat hun hong tung ding hi, tua ciangin amaute in an a tang ding uh hi.

16. Kuamah in puan lui pen puan thak tawh phop ngei lo hi. Tua bangin phop leh, puan thak a ton ciangin puan lui kaikek dinga, a vang a gol semsem ding hi.

17. Kuamah in savunum lui sungah leenggahzu thak thun ngei lo hi. Thun le uh savun-um kitamkhamin leenggahzu bua dinga, savun-um a kisia ding hi; ahi zongin savun-um thak sungah leenggahzu thak a kithun ciangin a nihin a sia om lo hi,” ci-in a dawng hi.

Hi in Topa' Lungdamna Laisiangtho ahi hi.