Nigeria gam ah Catholic Siampi nih ki that

Nigeria gam, Auchi Diocese, Edo ah a beisa Nipi ni zingsang nai (6:00) hunin Fr. Chirstopher Odia in mi gilo te thahna thuak hi. Hi thu pen Diocese ii thukizaksakna zum tavuan nei Fr. Peter in pulak khia hi. Fr. Peter in dahna lianpi tawh Pasian deihna bang hi ta hen ci-in a ap kawmin i sanggam Siampi Odia in tu zingsang in thahna thuak hi” ci hi. Fr. Odia pen Uzairue a om, St. Michael Biakinn ah Missa bawl ding a pai laitakin a ki man ahi hi.
Fr. Vitus Borogo in Kaduna pan hi. Amah pen kua te hiam cih a ki thei lo thau tawi mi pawl khat in a beisa Sani ni-in that uh hi. Fr. Vitus Borogo pen Kum (50) pha pan aa, Nigeria Diocese Siampi te’ makaipi leh Kaduna gam, Polyechine ii Kha lam Makai Siampi zong ahi hi.
“Siampite nih ii Kha te Tonu Maria ii hehpihna nuai ah i ap hi. Lungsim hoih a nei te khempeuh aw, Siampi nih te kha ading leh a nusiat uh a innkuanpih te uh ading thungetsak un” ci-in Diocese a cing a kem Siadaw Matthew Man-Oso in gen hi.