Kalay Diocese sunga om, May kha sung thu thak tangko na

Siadaw Felix ii Siadaw suahzawh kum (16) cinna pawi le Saizang Zone hon pawi

Kalay Diocese hongcing hongkem Bishop Felix ii Siampilian suahzawh kum (16) a cinna pawipi pen Saizang Khua ah Saizang Zone mintawh nasia takin ki bawl sak hi. May 6, 2022 Bishop Felix ii makaihna tawh Missa Biakpiakna ni-in nuam takin ki bawl hi. Missa Biakpiakna sungah Siampi (19) le thuzui mi (1000) val ki khawm thei hi. Hih Hunsung ah letsong piakna le Lasakna te nei in(Drum majorette -ဘင္ခရာ တီး၀ိုင္း)၊ (Violin - တ ေယာ) cih te tawh zong nasiatak in pahtawina ki nei-in thakingah mahmah hi.
Hih Pawl sung ah Thuhilhsia Titus Nang Do Mung ii Sia sepzawh kum (25) cinna Silver Jubilee Pawi tawh zong kigawm in Pawi nam (3) a ki bawl khawm ahi hi.
Saizang Zone akem ding pen Saizang Parish Topa , John Zo Khan Mung hi.
Saizang Zone sungah Parish (5) om hi.Tua teng pen Saizang Heilei Suangpi. Mualbem Vangteh Parish leh Kaptel pen Mission Centre hi. Kalay Diocese sungah 1. Kalay Zone 2. Tedim Zone 3. Khampat Zone 4. Tonzang Zone leh 5. Saizang Zone cih bangin Zone (5) om ta hi.

Mualbem Khua ah Siadawpa Neleh pai 2.5.2022
Mualbem Khua ah Siadawpa Neleh In pai a, Missa biak pian na nei-in tua sung ah Naupang te (15) Christma Hanthotna Pia hi.
Tui Khing Zang Khua St. John Paul II Biakinn Thak leh Tonu Suangbuk Thak Thupha Piakna (9.5.2022)
Sawbua Parish sunga om Tuikhingzang Khua ah May 9, 2022 ni-in Kalay Diocese hong cing hong kem Bishop Felix in St. John Paul II, Biakinn Thak leh Tonu Suangbuk Thak thupha piakna nei hi.
Missa Biakpiakna sungah Siadawpa leh Siampite (5) kihel in Thu Khing Zang Khua ah thuzui mi inn (30) bek pha in mi atam nailoh hangin Parish bup pan ki pai ahih manin mipi (300) kim bang pha thei dingin ki lamen hi.
Tonu Suangbuk pen Misiangtho Lucy min nei mi (3) te kipawl khawmin a piak khiat uh hi-in thupi mahmah leh hoih mahmah hi.

Vangteh Parish thak hon pawi (May 4, 2022)
Kalay Diocese hong cing hong kem Bishop Felix ii makaihna tawh St. Mary Biakinnpi, Vangteh Khua pen Parish in ki ciamtehin Parish Thank Hon Pawi May 4, 2022 ni-in nasia takin ki bawl hi.
Vangteh Parish Thak pen Saizang Parish pan inntuan thak hi in tua sungah Suangpi Parish sung pan Dimpi Khua zong Vangteh Parish thak ah inn ki tuan sak in Vangteh Parish Thak sungah khua nih (Vangteh leh Dimpi) om hi.
Missa Biakpiakna hun sungah Siampilian pa leh Siampite (6) ki hel thei in khua kim khua pam pan pawisim teng leh Khua sung pan mipi kigawm tul kim pha hi.
Vangteh Khua ah thuzui mi inn (130) pha in Khuazang bup inn (400) pha dektak hi. Vangteh Khua St. Mary Parish Thak pahtawina in Kalay Diocese mintawh sum (1,000,000) tengsawm Siampilian pa in inntek Siampipa Rev. Fr. Andrew Mung tungah pa hi.
Vangteh Khua ah pen St. Theresa Nungak Siangtho te Sang (Convent) zong om in Nungak Siangtho (4) om hi. Pasian thu sin naupang zong tam mahmah a hih manin Nungak Siangtho te in zong thangah mahmah ung ci hi.
Tui Khing Zang Khua St. John Paul II Biakinn Thak leh Tonu Suangbuk Thak Thupha Piakna
Sawbua Parish sunga om Tuikhingzang Khua ah May 9, 2022 ni-in Kalay Diocese hong cing hong kem Bishop Felix in St. John Paul II, Biakinn Thak leh Tonu Suangbuk Thak thupha piakna nei hi.
Missa biakpian na nei ki bawl in Missa Biakpiakna sungah Siadawpa leh Siampite (5) kihel in Tui Khing Zang Khua ah thuzui mi inn (30) pha in, Parish bup ki pai ahih manin mipi (300) kim bang pha hi.
Tonu Suangbuk pen Lucy Misiangtho min nei mi (3) te kipawl khawmin a piak khiat uh hi-in thupi mahmah leh hoih mahmah hi.
Dalkhai parish ah pai
Kalay Diocese hong cing hong kim Siadaw Felix pen 21.5.2022 ni-in Kawlpi pan Dal khai , mualpi, Cikha, Tonzang, Gamngai cih bang tung ah a tuuno te van ding in pai kawikawi a May 30 ni in Siadaw huang ah cidam tak in hong tung kik hi.