Homily By Rev. Fr. Joseph Zo Mung (April 6.2022)

Jn 8: 31-42
Tuni Lungdamna Laisiangtho sungah Topa Jesu in Judah mite kiangah note in ka gen bangin gamta in na zuih uh leh ka nungzui taktak te na suak ding uh hi ci-in thu ahilhna te leh thuman thutak in note hong suakta sak ding hi ci-in a gen na te I mu hi.
Tuni I ngaihsut ding ah I nuntakna sungah bang hangin lungkham in buai I hi hiam cih leh Judah mite in Abraham ta te hi ung a cih hangin Topa Jesu hong pai ciangin that nuam uh hi. Tua a hih manin amaute mawhna ii sila suak uh hi. Tua ahih manin mawhna abawl nuamte, mi na a gu nuam te, a sia agamta nuamte pen a lungsim uh suakta nawnlo in lungkham den hi. Sila suak den hi. Topa Jesu in thuman thutak in hong suakta sak ding hi a cihin tua ahi hi.
Tua ahih manin eite khat ciat in zong Topa Jesu umin, ama gen bangin thuman thutak zui lehang I lungsim suakta dinga, itna tawh kidim denin, I paipai na ah nopsakna ngah ding hi hang. Tua banga I hih zawh nangin I biak Topa Pasian in mimal khat kim ciat thupha hong pia ta hen.