Russia leh Ukraine te mawhcilna neilo Tonu’ lungtang tungah ap sak ding ci-in Pope Francis in gen

Pope Francis in Russia leh Ukraine te Mawhcilna neilo Tonu lungtang tungah ap ding ci-in ninih (Tue) ni-in gen hi.
March 25 (Fri) ni-in St. Peter biakinn pi ah Pope Makai in Ukraine leh Russia te Tonu ii mawhcilna neilo lungtang tungah ap ding cih thu Vatican thu tangkona pan March (15) ni-in gen hi.
1984 kum, March 25 ni-in Pope John Paul II in Russia gam pen Tonu lungtang tungah ap hi. March 25 ni pen vantungmi in Tonu Maria kiangah thu a zaksakna ni zong ahi hi.
Abeisa kal sungin Ukraine Siadawte in Pope Francis kiangah Russia leh Ukraine te Tonu lungtang tungah a apsak nading huhna ngen uh hi.
Russia gam pen “Tonu inn” ci-in min kivawh hi. Bang hang hiam cih leh adang gamte ah Russia gam zahin Tonu suangbuk, Tonu a ki-ap biakinn te omlo hi.
1917 kumin Fatima ah Tonu a kilah lai-in thusim (3) na pia hi. Tua te lakah a nihna in leitung galpi khatna pen aman ta ding ahihna leh Pope Pius IX ukna hun sungin mihingte in Pasian tungah mawhna bawlin gamtatsia in a om lai uh leh Russia gam pen Tonu ii mawhcilna neilo lungtang tungah a ki-ap kei leh a nasiazaw galpi tungthuah lai ding hi ci-in genkhol hi.