Misiangtho Francis Xavier Cabrini

Misiangtho Francis Xavier Cabrini-in Italy gam, Sant’ Angelo Lodigiano ah 1850 kumin suak hi. Nungak siangtho sang tuamtuam ah lut ding ahanciam hangin ama damloh na hangin kuamah in sang lo uh ahih manin, 1877 kumin Lodi khua Siadawpa in kuaman hong sang nopkei leh Congregation thak khat phuan ziau in ci hi. Tua Siadawpa gen na tawh kizui-in Francis in khangnote pilna sinsak ding cih ngimna tawh “The Congregation of the Missionary Sisters of the Sacred Heart” cih congregation pen Codogno, Milan leh Rome te ah phuan hi.
Kum (10) asawt ciangin Francis in Pope Leo (13) ii hanthot na tawh American ah pai hi. Tua bang a pai na in America aom, Italy minam te lakah nasem ding hi. New York atun ciangin Siadawpa in a kileh kik nading gen aa, Francis in “A lian bel Siampipa in hi tengah hong puak ahih manin hi teng ah ka om ding hi” ci-in dawng kik hi. Amah in hun tawmno sungin sang tuamtuam, zato leh nu leh pa neilo naupangte om nading inn te a lam banah amau congregation ah mi tampi ngah zo hi.
Mang lai, Mang pau asinna ah haksatna tampi tuak mah ta leh amah in ama ngimna mangngilh lo, tai san lo in khua khat leh khua khat a ki tuah kawi kawi te leh khua mi ahi, America mite lak ah ama Pasian nasepna khangto mahmah hi. 1917 kumin Mother Francis Xavier Cabrini si hi. Ama luang pen New York aom Fort Washington ah kikem hi. Misiangtho Francis Xavier Cabrini pen Immigrants te leh Zato uk te a huh misiangtho in kiciamteh hi.