Topa sungah ih nuntak leh Topa zong eite sungah hong nungta ding hi.

Daily Homily by Rev. Fr. Thomas Tuang ( July 30, 2021 )

Lungdamna Laisiangtho sungah Topa Jesu Nazareth khuami ten a don loh hangin amah in Pasian tapa ahih lam ama nasepna te, ama kalsuan na te, ama hilhna te ah hong lak hi. Tua ahih manin Nazareth khuami ten a up loh hangin gentile mi Jew minam ahi lo te in Topa Jesu thugen, thu hilh te a umten Topa Jesu sungah ih nuntak zawh nadingin hanciam ciat ni. Bang hang hiam cih leh Topa Jesu in kei sungah hong nungta te Topa sungah nungta ding aa, Topa sungah anungta te zong amau sungah Topa nungta ding hi cih hong gen ahih manin eite zong Topa sungah ih nuntak leh Topa zong eite sungah hong nungta ding hi cih phawk ni.