Misiangtho Pius V

Misiangtho Pius V in 1504 kumin Italy gam ah suak in, a siangtho khi thungetna pawini a pankhia pa hi. 1566 kumin Siadaw suak a, ama hanciamna tawh Pawlpi puahthak zo hi. Misiangtho Pius in Trent council pen thukim in adang Siadawte kiangah Parish tuamtuam a om Siampi te in khangnote Pasian thu a sin sak na dingun hanthawn hi.

Mawhna dan tawh kisai thukhunte khauh lua ahih manin Roma khuapi pen Zateih sangin laih hi ci-in Pius ki langpang hi. Misiangtho Pius in Diocese uk in a om hun sungin Siampite’ nisim anget uh thungetna bu, Missa biakpiakna hun sungin a ki zang thu ngetna bu leh Pasian thubu te bawl hi.

Misiangtho Pius ii a lian pen gualzawhna in Lepanto galkido na ah 1551 kum, October 7 ni-in gal te ahawlkhiat zawh na hi. Tua gualzawhna in khi thungetna pan a kingah, Tonu Maria ii huhna hi ci-in ciamteh hi. Hih gualzawhna hangin Misiangtho Pius in October 7 ni pen khi thungetna kumpinu pawini leh Christiante ahuh kumpinu ci-in Tonu Litany sungah hel hi. Misiangtho Pius in 1572 kumin si hi.