A zawng meigongnu in midang khempeuh sangin sum tam khiazaw

Tuni Lungdamna Lai Siangtho (Lk. 21: 1-4) sungah Topa Jesu in mi haute in biakinnpi sumkholna sungah amau sum a khiat uh leh, A zawng meigong numei khat in dangka tang san a neu nih a khiat zong amah in a mu hi. Tua amuh na tawh kisai in Amah in amaute’ kiangah, “Ken a man takpi kong genin ah, hih a zawng meigongnu in midang khempeuh sangin tam a khiazaw hi.” Na ci hi. Bang ci bangin tam pen hiam cih leh, tua mi khempeuhte in a sum val lak panun a khia a hih lan Jesu in na thei hi. Tua meigong numei in ahih leh, zawng napi-in a kivakna dinga a neih khempeuh a khiat lam Jesu' mu-in a thei hi.

Ih ni sim nuntakna ah Topa aadingin ih piak khiat ih hun, sum leh paai, neih leh lam te pen a bang ci dan teng piakhia ih hi hiam cih ei leh ei ih ki sit tel ding tuni-in hong phawk sak hi. Topa Jesu in ih lungsim khem peuh leh ih nuntakna khem peuh a thei Pasian a hih man in ama mai ah eite-in mi hoih ih suah theina ding leh thu man nuntak na tawh ih nuntak theihna dingin lam a hong lahna ding thu ngen in ki ap ding zong a ki sam mahmah ahi hi. Topa Kha Siangtho in lam hong lak in, upna leh muan na tawh a thakin a nungta thuzuite hong hi sak kim ciat ta hen.

By Mr. Anthony Piang