Vuahun Nipi masa Lungdamna Lai Siangtho

Lk.4:1-13 1. Jesu in Kha Siangtho tawh kidimin Jordan gun pan ciahkik a, Kha Siangtho in gamlak ah a paipih hi. 2. Tua lai-ah dawimangpa’ ze-etna ni sawmli sung tawntung a thuak hi. Tua hun sung khempeuh Jesu in an ne lo a, tua nite a bei khit ciangin a gil a kial mahmah hi. 3. Dawimangpa in Jesu’ kiangah, “Nangmah in Pasian’ Tapa na hih leh, hih suang khomuno suaksak in,” a ci hi. 4. Jesu in ama kiangah, “Mihingte an bek tawh nungta lo hi, ci-in Lai Siangtho sungah kigelh hi,” a ci hi. 5. Tua khit ciangin dawimangpa in mual sang tungah amah paipih to a, leitunga om kumpi gamte khempeuh thakhat sungin a lak hi. 6. Ama kiangah, “Keimah in hihte khempeuh tunga thuneihna le minthanna khempeuh nang kong pia ding hi. Bang hang hiam cih leh, hihte khempeuh kei hong kipia zo a, ka piak nop peuh ka pia hi. 7. Tua ahih manin kei hong bia lecin hihte khempeuh nangma aa hi ding hi,” a ci hi. 8. Jesu in ama kiangah, “Na Topa Pasian na bia ding hi. Ama na bek na sem ding hi, ci-in Lai Siangtho sungah kigelh hi,” ci-in a dawng hi. 9. Tua khit ciangin dawimangpa in Jerusalem ah amah paipihin, biakinnpi khum dawnah koih a, “Nangmah in Pasian’ Tapa na hih leh, nang le nang kikiasuksak in. 10. Bang hang hiam cih leh Lai Siangtho sungah: ‘Nang hong kem dingin vantung mite thu kipia khin ahih manin 11. na khe suang tawh na tahkhak lohna dingin, amaute in a khut uh tawh nang hong domto ding uh hi,’ ci-in kigelh hi,” a ci hi. 12. Jesu in ama kiangah, “ ‘Topa na Pasian na ze-et kei in,’ kici hi,” ci-in a dawng hi. 13. Dawimangpa in hih ze-etna teng khempeuh a man khit ciangin hun hoih a om kik mateng ama kiang pan a paikhia hi.

Add new comment

2 + 3 =