Tuni a Lai Siangthote bulphuhin kha-an vakna Bishop Felix tungpan

 Lungdamna Lai Siangtho:Mark 1: 14-20 14. John a kimat khit ciangin Jesu Galilee gamah hong pai a, Pasian’ lungdamna thu tangko-in a hilhin ah, 15. “A hun hong tung ta hi. Pasian’ Gam hong tung dek ta hi. Kisikkik unla, lungdamna thu um un,” a ci hi. 16. Galilee tuipi dungah Jesu a pai laitakin, ngabeng mi ahi Simon le a sanggampa Andrew-te in tui sungah ngeen a khuh laitak uh a mu hi. 17. Jesu in amaute’ kiangah, “Ka nung hong zui un. Keimah in note mi a mante kong suaksak ding hi,” a ci hi. 18. Amaute in zong thakhatin a ngeen uh nusia-in Jesu’ nung a zui pah uh hi. 19. Tua panin tawmkha a pai khit ciangin, Zebedee’ tapa James le a sanggampa John zong gunkuang sungah ngeen khui-a om a mu hi. 20. Amah in amaute sam pah a, amaute in a pa uh Zebedee le a thacialte gunkuang sungah nusia-in ama nung a zui uh hi. Hih in Topa’ Lungdamna Laisiangtho ahi hi. Tuni Lai Siangtho kisim te bulphuhin kha-an vakna Bishop Felix tungpan. Topan a na sem dingin a mah lah mahmah te hongsam se hi. Peter, Andrew, Matthew te zong a man lah mahmah laitak un sam hi. Nasep a manlahte na sawl leng nasep ki man thei in a manlah lo mite sawl leng nasep man ngai lo hi. Hin a om lai in Pasian vai hawmna bang zuih siam sawm ni. Eite pen Neneveh khuate sangin a hoihzaw zong ih hi tuan kei hi. Topan nang leh kei hongsapna pen hoihna hang hi lo in amin thanna ding hi zaw hi. Peter leh a lawmten a neihsa uh na te nusia in Jesu nungzui uh hi. Nang leh kei zong Topan nung hei lo in a mah ih zuihna dingin hong sam hi ci-in Bishop Felix tungpan kha-an vakna.