Tonu Maria in Vantungmi Gabriel ii hopih na thu

Tuni Lungdamna Lai Siangtho (Lk 1: 26-38) na bulphuh in Tonu Maria in Vantungmi Gabriel ii hopih na thu ama deihna tawh kituak lo hi mah ta leh lungkim takin a san na. Nungak Siangtho khat aa dingin naupaai ding ut huai hetlo hi mah ta leh Tonu Maria in ama deihna sangin Pasian deihna zui-in "Kei-in Pasian sila nu ka hi hi, na gen bangin kei tungah piang ta hen!" ci-in Vantungmi hopih na thu kiniam khiatna tawh a san mah bangin eite in zong kiniamkhiatna tawh Pasian thu ih san ding a kisap na thu leh Misiangtho Bernard in Pasian in leitungah thupha a hongpiak khempeuh pen Tonu Maria tungtawn in hong pia hi a cih mah bangin Pasian in a Tapa Topa Jesu pen Tonu Maria tungtawn in eite tungah hong pia hi cih phawk in Tonu Maria tungah itna leh zahtak na ih neih theih na dingin hong hanthawn hi.