Rev. Fr. Raphael tungpan kha-an vakna

Topa Jesu in bangmah ngahna ahi lo Pasian na sepna hong semin a sanggam te in lung hi mawh hi. Siahdongte tawh ki khawl in lung hi mawh uh hi. Thuman gen in farise te leh lai theite nagawn kawkin gen gam ahih man in lung hi mawh uh hi. Na lamdang bawlin mite phattuamna ding lau lo takin sem hi. Tua ahih man in khuapua lam ah koih sawm uh hi. A hi zongin eite in zong thuman leh Pasian na sep na ahi gensiat bawlsiatna ih thuak zong in sem in lungduai takin om ding ahi hi. Tua hi leh Pasian maipha mu in tawntung nuntak na ki ngah ding hi ci-in kha-an vakna Rev. Fr. Raphael tungpan hi. Lungdamna lai Siangtho:Mark 3: 20-21 20. Tua ciangin mihonpite hong kikaikhawm leuleu uh a, amah le a nungzuite in an nangawn a ne thei kei uh hi.21. Ama innkuanpihte in hih thu a zak uh ciangin amah a kemcing dingin a paikhia uh hi, bang hang hiam cih leh mipite in, “Amah a hai hi,” a ci uh hi. Hih in Topa' Lungdamna Lai Siangtho ahi hi. #RVA, #Kalaydiocese, #Homily, #Chin,