Rev. Fr. John Mang tungpan nisim kha-an vakna

Catholic Nisim Lai Siangtho bulphuh in kha-an vakna, Hun Nautaang Nipi Kaal (21) Na, August 26, 2020, Lungdamna Lai Siangtho: Matthew 23: 27-32. 27. “Mihoih a kineih no lai siangtho siamte le Pharisee-te aw, gimna na thuak ding uh hi. Bang hang hiam cih leh, a pualam etlawm napi, a sungah misi guh le nin kihhuai khempeuh a dim a kanga kizut hante tawh na kibang uh hi. 28. Tua mah bangin note zong, na pualam uh mi’ mai-ah thuman midikte bangin na om uh hi, ahi zongin na sung lam uh kineihkhemna le tatsiatna tawh a kidim hi. 29. “Mihoih a kineih no lai siangtho siamte le Pharisee-te aw, gimna na thuak ding uh hi! Bang hang hiam cih leh, kamsangte’ han na bawl uh a, midikte’ han na zem uh hi. 30. Note in, ‘Ka pute ka pate’ khanglai-in a om hi le-ung kamsangte’ sisan a kiluansakna ah ka kihel kei ding uh hi,’ na ci uh hi. 31. Tua bangin kamsangte a thatte’ suan le khak na hihna uh no le no in na kilang khiasak uh hi. 32. Tua ahih manin, na pu na pate’ mawhna tehna na dimsak vet un.

Hih in Topa' Lungdamna Lai Siangtho ahi hi.