Rev. Fr. John Mang tungpan Luke 7: 31-35 bulphuh in kha-an vakna

Lung damna laisiangtho: Luke 7: 31-35, na bulphuh in kha-an vakna. 31. Tua ciangin Jesu in, “Tu lai khang mite bang tawh ka genteh ding hiam? Amaute bang tawh kibang ahi uh hiam? 32. Sumbuk ah tu-a a om naupangte in khat le khat kiko-in: ‘Tamngai kong mutsak uh hangin, na lam kei uh hi. Kahla sa-in ka thum uh hangin na kap kei uh hi,’ ci-in a kigal to naupangte tawh kibang uh hi. 33. Bang hang hiam cih leh, Tuisawppa John in anne lo leenggahzu dawn loin hong pai a, note in, ‘Dawi lawm nei hi,’ na ci uh hi. 34. Mihing’ Tapa in an ne tui dawnin hong pai a, note in, ‘En un, hih mipa in an hai, zu haipa hi, siahdongte le mawhneite’ lawm hi,’ na ci zel uh hi. 35. Pilna ahih leh a thuman ahihna a tate in a kilangsak hi,” ci-in a gen hi.

Hih in Topa' Lungdamna Lai Siangtho ahi hi.